భారతీయ ఐటి కంపెనీల వింత పోకడలు !!!

ఈ వీకెండు నా పాత ఇంఫోసిస్ కొలీగు తో మాట్లాడుతుంటే ఈ ఇండియన్ కంపెనీల పైన ఒక చర్చ వచ్చింది. ఆ చర్చ ఆధారం గా ఈ మధ్య ఈ కంపెనీల వింతపోకడలు, వుద్యోగులను వేధిస్తున్న తీరు గురించి ఒక ఆర్టికల్ రాద్దామనిపించింది.నేను ఇంఫోసిస్ లో 2003 నుండి 2006 వరకు చేసాను. 2002 వరకు ఇంఫోసిస్ లో పని చేయటం నా స్వప్నం. ఆ స్వప్నం నిజమైన రోజు ఎంత ఆనందించానో అనుభూతిలో చెప్పలేనిది. అలాంటి ఆనందం ఆవిరవటానికి ఎన్నో రోజులు పట్టలేదు. మీడియాలో వచ్చే వార్తలు, కంపెని పైన వచ్చే రకరకాల పొగడ్తలు అన్నీ పబ్లిసిటి గిమ్మిక్కులు అని తెలుసుకోవటానికి ఎంతో కాలం పట్టలేదు.
ఈ కంపెనీ ఎప్పుడూ విలువల గురించి మాట్లాడుతుంది. ఈ విలువలు , నిజాయతి మాటలు కేవలం చెప్పటానికే. కంపెని లోగుట్టు వుద్యోగులకు మాత్రమే ఎరుకు. ఇక్కడ గత సంవత్సరం జరిగిన ఒక సంఘటన వివరిస్తా. 2006 మొదట్లో నేను ఈ కంపెనీ తరపున లండన్ లో ఒక క్లైంట్ దగ్గర పని చేస్తున్నా. మా స్నేహితుడు ఒకతను 2 సంవత్సరాలు ఆ క్లైంట్ దగ్గర పని చేసి ఇండియా కి తిరిగి వెళ్ళుతున్నాడు. మా క్లైంట్స్ మా తో చాల క్లోస్ గా వుండే వాళ్ళు. అలా మాతో సరదాగా మాట్లాడుతూ మా ఫ్రెండుని సో నువ్వు బిజినెస్ క్లాసులో ప్రయణిస్తున్నావా ? అని అడిగాడు. మా ఫ్రెండు అదేమీ లేదు మామూలు ఎకానమీ క్లాస్ లోనే అని అన్నాడు. అందుకు వెంటనే క్లైంట్ బాగా హర్ట్ అయ్యినట్టనిపించి వెంటనే ఆ నెల సైను చేసిన బిల్లు తీసి చూపించి, మీ కంపెనీ బిజినెస్ క్లాస్ కి బిల్ చేసింది.. యౌవర్ కంపెని ఈజ్ చీటింగ్ , థిస్ ఈజ్ నాట్ ఫెయిర్ అని అన్నాడు. మాకందరికీ తల కొట్టేసినట్టైంది. ఇంత జరిగిన తరువాత విషయం మ్యానేజరు దృష్టికి తీసుకువెళ్ళితే మ ఫ్రెండు నే తప్పు పట్టారు అలా ఎందుకు చెప్పావు.బిజినెస్ క్లాస్ లో నే ప్రయాణం చేస్తున్నానని చెప్పాలి కదా అన్నారు. అసలు వుధ్యోగులకు విషయం తెలిస్తే కదా.. ఇలా ఫ్లైట్ టికెట్ల విషయం లో కూడా కంపెని కక్కుర్తి పడుతుందని. ఇటువంటీ కంపెని నా విలువల గురించి మాట్లాడేది.
ఇక ఈ కంపెనీలన్ని చేసే మరో గిమ్మిక్కు వేరియబుల్ సేలరీ. కంపెని పని తీరు ఆధారంగా ఇచ్చే వేతం అని పేరుకి.. కంపెనీ ఎంత గొప్ప పని తీరు కనబరచినా అందులో పాతిక శాతం కన్నా ఎక్కువ వేతనం ఇవ్వరు. ఏమంటే రకరకాల సాకులు చెబుతారు. గత 5 లేక 6 సంవత్సరాలలో ఎన్నడు కంపైనీ పనితీరు ఆధారిత వేతనం 50 శాతం మించలేదంటే కంపెనీ ఎంత మోసం చేస్తుందో తెలుసుకోవచ్చు. (ఇక్కడ గమనించాలసిన అంశం ఏంటంటే ప్రతి సంవత్సరం కంపెని మార్కెట్ ను మించిన గొప్ప ఫలితాలని చూపించింది).
ఇక ఇప్పుడు మరిన్ని వింత పోకడలకు పోతుంది ఈ కంపెని. కంపెని నుండి వుద్యోగులు రాజీనామా చేస్తే, 6 నెలల వరకు ఈ కంపెనీ ప్రత్యర్థులు ఎవరి దగ్గరా పని చేయకూడదని కొత్త మెలిక. (అందులో చాలా స్పష్టం గా పేర్కొన్నారు, విప్రో ,టిసియెస్ , లాంటి కంపెనీ లలో చేరకూడదని. ) ఇంతకన్నా దారుణం వుంటుందా చెప్పండి ?
ఇప్పుడు రూపాయి విలువ బలపడుతుందని, లాభాలు తగ్గుతున్నాయని, వుద్యోగుల చేత పని గంటలు పెంచాలని ప్రతిపాదిస్తోంది (వారానికి 40 గంటల నుండి 50 గంటలకు పెంచాలని ) . ఇదే కంపెని భారీ గా లాభాలు వచ్చినప్పుడు వుద్యోగులకు ఏమి ఇచ్చింది ?
ఈ విషయం పైనా మీ విలువైన అభిప్రాయాలు కూడా పంచుకోండి..